Поимник

Регулаторно тело кое ги следи радиодифузерите за да осигури почитување на законите за медиуми во периоди на избори. Агенцијата изготвува методологии за следење и може да иницира санкции.

 Главното професионално здружение кое се залага за правата на новинарите и за слободата на изразувањето и учествува во креирање на стандардите за етика.

Законски пропишан период што започнува 24 часа пред денот на изборите и забранува објавување или емитување на каков било материјал во врска со кампањата до затворањето на гласачките места. Прекршувањата вклучуваат директна промоција, прикриена кампања и објавување на резултатите од анкетите.

Саморегулаторно тело кое промовира етичко новинарство. Нуди решавање спорови и го води Регистарот на професионални онлајн-медиуми.

Главната правна рамка што ги регулира изборите во Северна Македонија. Ги дефинира одговорностите на институциите, на медиумите, на учесниците во политичкиот процес и на граѓаните за време на изборниот процес. Законикот вклучува конкретни одредби за медиумско покривање, платено политичко рекламирање, изборен молк, финансирање кампањи и санкции.

Закон со кој се регулира работењето на радиодифузерите, вклучувајќи го и јавниот радиодифузен сервис. Со овој закон се поставуваат стандарди за плурализам, недискриминација и заштита од говор на омраза. За време на изборите, го надополнува Изборниот законик со дефинирање на општите начела за правично однесување на медиумите.

Закон што се однесува на печатените и на онлајн-медиумите. Вклучува одредби за правото на одговор и исправка, забрана за говор на омраза и општи новинарски одговорности.

Документи кои се потребни од политичките субјекти и медиумите за следење на рекламирањето, трошоците и времето на кампањата. Се поднесуваат до Комисијата за хартии од вредност, ДЗР и ДКСК.

Медиумска содржина нарачана од учесниците во изборите за промовирање на нивните платформи. Мора да биде јасно означена, со транспарентни цени и да се разликува од уредничкиот материјал. Подлежи на строга регулатива според Изборниот законик, вклучувајќи ги и обврските за регистрација и известување.

Официјален список што го води Комисијата за хартии од вредност за сите медиуми кои се овластени да емитуваат политички реклами за време на кампањата. За вклучување во Регистарот неопходно е да се поднесе важечки ценовник и документација.

Спроведува ревизии на финансиите на кампањите, вклучувајќи ја и распределбата и користењето на јавните средства за медиумско рекламирање. Игра клучна улога во идентификувањето на финансиски неправилности во изборниот процес.

Го следи користењето на јавните ресурси за време на изборните кампањи, истражува можна злоупотреба на државни средства и прима медиумски договори и рекламна документација.

Централното тело кое е одговорно за организирање и спроведување на изборите во Северна Македонија. Ги надгледува избирачките списоци, ги следи процедурите за кампањата и управува со регистарот на медиуми за платено политичко рекламирање.