Конкретни обврски на печатените медиуми и на онлајн-медиумите

Покрај општите правила наведени во Делот 3.1 и обврските во врска со емитување на соопштенијата на ДИК опишани во Делот 3.3, печатените и онлајн-медиумите имаат дополнителни одговорности кога ќе одлучат да учествуваат во изборната кампања преку платено политичко рекламирање.

Барања за регистрација и транспарентност

• Во рок од три дена од распишувањето на изборите, сите печатени и онлајн-медиуми кои имаат намера да објавуваат политичко рекламирање мора да се регистрираат кај Државната изборна комисија (ДИК). Нерегистрираните медиуми не се подобни за добивање јавни средства за рекламирање на кампањата (член 75).
• Во рок од пет дена од распишувањето на изборите, тие мора:
  – Да утврдат и да достават официјални ценовници до Комисијата за хартии од вредност, до Државниот завод за ревизија и до Државната комисија за спречување на корупција (член 75);
  –  Да ги објават своите ценовници најмалку двапати пред да започне кампањата на нивните платформи.
  –  По објавувањето, ценовниците не смее да се променат во текот на целата кампања.

Распределба на рекламниот простор и финансирање

• Медиумите мора пропорционално да го распределат рекламниот простор, во согласност со изборниот закон:
  • 45% за двете најголеми партии на власт;
  • 45% за двете најголеми опозициски партии;
  • 7% за помалите парламентарни партии;
  • 3% за вонпарламентарни партии или независни кандидати (член 75).

• Еден учесник во политичкиот процес не може да потроши повеќе од 15.000 евра на еден печатен или онлајн-медиум, а вкупниот износ што е потрошен за сите овие медиуми не смее да надмине 25% од доделените јавни средства (член 76).

Документација и обврски за известувањето

• Медиумите мора да обезбедат:
  • Детален извештај за сите објавени реклами, вклучувајќи видливи примероци со датуми;
  • Снимки на екранот од банери или содржини од нивните платформи;
  • Овие документи мора да се достават до нарачателот на кампањата и да се проследат до ДИК во рок од пет дена од предизборниот молк (член 76).
• Рекламите мора да бидат јасно означени како платена политичка содржина и да бидат видливо издвоени од уредничкиот материјал.
• Не е дозволено учество на малолетни лица во платено политичко рекламирање, а таквото рекламирање е забрането за време на вести, информативни програми, емисии за деца и преноси во живо на различни настани (член 76).

Усогласеност и казни

Печатените и онлајн-медиумите кои не ги почитуваат овие обврски може да се соочат со:

• Казни до 4.000 евра, со дополнителни 30% лични казни за одговорниот персонал (членови 181, 182, 183);
• Губење на правото на надоместок поради неподнесување на потребната документација.